လူတွေဟာတစ်ကိုယ်ရေသန့်ရှင်းရေးအတွက် နည်းလမ်းအမျိုးမျိုးကို လိုက်နာကြပါတယ်။ အဲဒီနည်းလမ်း
တွေက တကယ်ရော ကျန်းမာရေးအတွက် ကောင်းကျိုးပေးနိုင်ရဲ့လား။ ကောင်းကျိုးပေးနိုင်တဲ့အရာတွေ အပြင် တစ်ကိုယ်ရေသန့်ရှင်းရေးဆိုပေမယ့် ကျန်းမာရေးအတွက် အန္တရာယ်ပေးနိုင်တဲ့ အချက်တွေလည်း ရှိနေပါတယ်။
ခံတွင်းအနံ့ဆိုးကို လျစ်လျူရှုခြင်း
◘ အန္တရာယ် ဖြစ်နိုင်ခံတွင်းအနံ့ဆိုးတာက စိတ်မသက်မသာဖြစ်ဖွယ်ရာ ပြဿနာတစ်ရပ်ဖြစ်ရုံသာမက ကူးစက်ပိုးဝင်တာလို အခြေခံကျန်းမာရေးပြဿနာတစ်ခုရဲ့ လက္ခဏာတစ်ရပ်ဖြစ်နိုင်ပါတယ်။ ခံတွင်းအနံ့ဆိုးထွက်တာ ကင်းစေဖို့ အစာစားပြီးတိုင်းပလုတ်ကျင်းတာ၊ သွားတိုက်တာ၊ ရေကိုများများ သောက်တာတွေကို လိုက်နာပါ။ ဒါ့အပြင် အခြေခံကျန်းမာရေးပြဿနာရှိ၊ မရှိ ဆန်းစစ်ပါ။
ဆံပင်ဆေးဆိုးခြင်း
ဆံပင်ဆိုးဆေးတွေထဲမှာ ဓာတုပစ္စည်း ၅ဝဝဝ နီးပါးရှိပြီး တချို့အမျိုးအစားတွေက တိရစ္ဆာန်တွေမှာ ကင် ဆာဖြစ်စေနိုင်ကြောင်း ဆိုထားပါတယ်။ လေ့လာမှုတစ်ခုအရ ဆံပင်ညှပ်ဆရာတွေဟာ ဆီးအိတ်ကင်ဆာ
ဖြစ်နိုင်ခြေ မြင့်တက်တယ်လို့ ဖော်ပြထားပါတယ်။ ဒါပေမဲ့ အမျိုးသားကင်ဆာ တက္ကသိုလ်ရဲ့လေ့လာမှုအရ ဆံပင်ဆေးဆိုးတာနဲ့ ကင်ဆာအကြားဆက်စပ်မှုဟာ သိသာထင်ရှားမှု မရှိသေးဘူးလို့ ဆိုထားပြန်ပါတယ်။ ဘယ်လိုပဲ ဖြစ်ဖြစ် အလွန်အမင်းအရောင်ဆိုးတာကြောင့် ဆံပင်သားထိ ခိုက်ပျက်စီးမှုကို ဖြစ်စေနိုင်ပါတယ်။
လက်သည်းညှပ်ခြင်း
☺ ကောင်းကျိုးရှိလက်သည်း၊ ခြေသည်းတွေကို သပ်သပ်ရပ်ရပ် ညှပ်တာကြောင့် လှပတင့်တယ်မှုရှိရုံသာမက လက်သည်း ကိုက်တာ၊ လက်သည်းနဲ့ ကုတ်ခြစ်တာတို့ကြောင့်ဖန်းဂပ်စ်မှိုစွဲမှု မဖြစ်အောင်လည်း တွန်းလှန်ပေးနိုင်ပါ တယ်။
ရေမွှေးအလွန်အမင်း သုံးခြင်း
◘ အန္တရာယ်ရှိရေမွှေးကို အလွန်အမင်း ဆွတ်တဲ့အခါ သင့်ဝန်းကျင်က လူတွေရော သင့်ကိုပါ ထိခိုက်စေနိုင်ပါတယ်။ တချို့လူတွေက ရေမွှေးကြောင့် အရေပြားမှာ ယားယံတဲ့ အနီပြင်ထတာလို ပြဿနာ ဖြစ်ပေါ်တတ်တာ
ကြောင့်ပါ။ အရေပြားက ထိလွယ်ခိုက်လွယ်ရင် ဓာတ်မတည့်မှုကိုရှောင်ရှားနိုင်ဖို့ ရေမွှေးမသုံးပါနဲ့။
သွားကြားပွတ်ကြိုးသုံးခြင်း
☺ ကောင်းကျိုးရှိသွားကြားပွတ်ကြိုးသုံးတာက ကျန်းမာရေးအတွက် ကောင်းပါတယ်။ ပုံမှန်သွားကြားပွတ်ကြိုးနဲ့ သန့်စင်တာ
ကြောင့်သွားတိုက်လို့ မစင်နိုင်တဲ့ သွားကြားထဲကသွားချေးဖတ်တွေနဲ့ စားကြွင်းစားကျန်တွေကို ကင်းစင်စေ ပါတယ်။ လေ့လာမှုများစွာအရ ခံတွင်းပြဿနာတွေဟာနှလုံးရောဂါကို ခန့်မှန်းနိုင်ပြီး သွားကြားပွတ်ကြိုး ထိုးတာကြောင့် သွားဖုံးရောင်ရမ်းမှုကို လျော့ကျစေကြောင်း သိရပါတယ်။
နှာခေါင်းထဲက အမွေးအမှင်များကိုညှပ်ခြင်း၊ နုတ်ခြင်း
◘ အန္တရာယ် ဖြစ်နိုင်နှာခေါင်းထဲက အမွေးအမှင်တွေကိုမညှပ်ခင်၊ မနုတ်ခင်မှာ တစ်ကြိမ် ထပ်စဉ်းစားပါ။ နှာခေါင်းထဲ အမွေးအ မှင်တွေ မရှိရင် ဘက်တီးရီယားပိုးတွေနဲ့ အမွေးအိတ်တို့ ထိတွေ့မှု ဖြစ်ကာ ပိုးဝင်ကူးစက်မှုကို ဖြစ်စေနိုင်ပါ တယ်။ ဒါ့အပြင် အသက်ရှူသွင်းတဲ့အခါတိုင်း ဖုန်မှုန့်နဲ့ အမှိုက်တွေကို ပိုမိုရှူသွင်းဖြစ်ပြီး နာမကျန်းမှုကို ဖြစ်
စေနိုင်ပါတယ်။ နှာခေါင်းထဲက အမွေးတွေက ရှည်လျားပြီး အပြင်ဘက်ထွက်နေရင် အဖျားကို ခပ်ပါးပါးတိ
ပေးနိုင်ပါတယ်။
သွားတိုက်ခြင်း
☺ ကောင်းကျိုးရှိသွားတိုက်တာက နေ့စဉ် ပြုလုပ်သင့်တဲ့ အလေ့အထ တစ်ရပ်ပါ။ သွားတိုက်တဲ့အတွက် ခံတွင်းအနံ့ဆိုး ကင်းစေတဲ့အပြင် သွားပိုးစားတာနဲ့ သွားဖုံးရောင်တာလို သွားဖုံးရောဂါတွေကို ကာကွယ်ပေးနိုင်ပါတယ်။ အမေရိကန် သွားနှင့် ခံတွင်းဘက်ဆိုင်ရာ အဖွဲ့အစည်းက တစ်နေ့ နှစ်ကြိမ် သွားတိုက်ဖို့၊ သွားတိုက်ရာမှာ အပေါ်အောက် ညင်ညင်သာသာပွတ်တိုက်သန့်စင်ဖို့နဲ့ သုံး-လေးလကြာတိုင်း သွားတိုက်တံ အသစ်လဲဖို့လို အပ်ကြောင်း အကြံပြုထားပါတယ်။
နှာခေါင်းထဲ လက်နှိုက်ခြင်း
◘ အန္တရာယ် ဖြစ်နိုင်နှာခေါင်းထဲ လက်နှိုက်ပြီး ဆေးကြောသန့်စင်မှုမလုပ်ဘဲ အဲဒီလက်နဲ့ အစာစားတဲ့အခါ ပိုးဝင်ကူးစက်မှု ဒါမှ မဟုတ် နာမကျန်းဖြစ်နိုင်ခြေများပြီး ကျန်းမာရေး ထိခိုက်စေနိုင်ပါတယ်။ နှာခေါင်းထဲက နှပ်ချေးဖတ်တို့ ကင်းရှင်းစေဖို့ အစိုဓာတ်ထိန်းတဲ့ ဂျဲလ်နဲ့ သန့်စင်ပေးပါ။
မျက်နှာကို အလွန်အမင်း သန့်စင်ခြင်း
◘ အန္တရာယ် ဖြစ်နိုင်မျက်နှာကို အလွန်အမင်း သန့်စင်တာ၊ ကြေးချွတ်တာကို လုပ်ဆောင်ရင်အရေပြားအဆီတွေကို ကင်းစင်စေ
ပြီးအဖုအပိမ့်အပြစ်အနာအဆာ ဖြစ်ပေါ်စေတဲ့အပြင် အဆီထွက်ရှိမှု မြင့်မားစေပါတယ်။ မျက်နှာအရေပြားရှိ အဆီနဲ့အညစ်အကြေးတို့ ကင်းစင်စေဖို့ တစ်နေ့နှစ်ကြိမ်မျက်နှာသန့်စင်ဆေးနဲ့ ညင်ညင်သာသာ သန့်စင်ပါ။
မမှန်ကန်သောနည်းဖြင့် အမွေးရိတ်ခြင်း
ဖြစ်တဲ့နည်းနဲ့ အမွေးရိတ်တဲ့အခါအမွေးအမှင်အောက်က အရေပြားကိုပါထိခိုက်စေနိုင်ပါတယ်။ အရင်ဆုံး ကြက်သီးနွေးရေသုံးပြီး အမွေးတွေကို ပျော့ပျောင်းစိုပြည်အောင် လုပ်ဆောင်ပါ။ ဒါဆိုရင် အမွေးအမှင်တွေ ကို ရိတ်ရ လွယ်ကူစေပါတယ်။ အမွေးရိတ်တဲ့ ဂျဲလ်လိမ်းပြီး ထပ်မံစိုပြည်အောင် လုပ်ကာ ဘလိတ်ဓားနဲ့ အမွေးပေါက်ရာ လမ်းကြောင်းအတိုင်း စောင်းပြီးရိတ်ပေးပါ။ ဒါမှသာ အရေပြား စပ်ဖျဉ်းဖျဉ်းဖြစ်မှုနဲ့ ဘလိတ် ဓားကြောင့်အဖုအပိမ့်ထကာ အပူလောင်မှု ကင်းစင်စေမှာပါ။
ဇွန်ခိုင်ဦး (ဆေးဝါးတက္ကသိုလ်)
No comments:
Post a Comment