ကိုယ်နေထိုင်ရာ ပတ်ဝန်းကျင်မှာ လေထုညစ်ညမ်းမှု ဖြစ်
နေတာက သင့်ကျန်းမာရေးကို ထိခိုက်စေနိုင်ပါတယ်။ ကားတွေ အသုံးပြုမှုများတာ၊ စက်ရုံအလုပ်ရုံတွေကနေ မီးခိုးငွေ့တွေ ထွက်ရှိမှုများတာတွေကြောင့် လေထုညစ် ညမ်းမှုအဖြစ်များနေပါတယ်။
ဒီလေတွေကို နေ့စဉ်ရှူသွင်းမိတဲ့အခါ နောက်ဆက်တွဲ ကျန်းမာရေး အန္တရာယ်တွေ ဖြစ်လာတတ်ပါတယ်။
လေထုညစ်ညမ်းမှုကြောင့် ဖြစ်ရသောကျန်းမာရေးပြဿနာများ
လေထုညစ်ညမ်းမှုနဲ့ ဆက်စပ်နေတဲ့ကျန်းမာရေးပြဿနာ အများကြီး ရှိပါတယ်။ အများအားဖြင့် အသက်ရှူ လမ်းကြောင်းစနစ်နဲ့ ဆက်စပ်နေတဲ့ ပြဿနာတွေပဲဖြစ်ပါတယ်။ လေထဲက အန္တရာယ်ရှိတဲ့ ဓာတုပစ္စည်းတွေကို သွေးကစုပ်ယူပြီး ခန္ဓာကိုယ်အနှံ့ပို့ဆောင်တာကြောင့် ကျန်းမာရေးကို အကြီးအကျယ် ထိခိုက်စေ တာဖြစ်ပါတယ်။ အိမ်တွင်းမှာ လေထုညစ်ညမ်းမှုဖြစ်နေရင် ပိုမိုဆိုးရွားတဲ့ကျန်းမာရေးအန္တရာယ်တွေကို
ဖြစ်စေနိုင်ပါတယ်။
♦ လေထဲက အမှုန်အမွှားတွေကြောင့် မျက်စိယားယံကာ စပ်ဖျဉ်းဖျဉ်းဖြစ်တာ၊ အသက်ရှူလမ်းကြောင်း ထိခိုက်တာ၊
♦ လေထုညစ်ညမ်းမှုဒဏ် အကြီးအကျယ်ခံရတာကြောင့် ရင်ဘတ်တင်းကျပ်တာ၊ မျက်စိ ပူစပ်ပူလောင်ဖြစ်တာ၊
♦ အဆုတ်ကင်ဆာနဲ့ နှလုံးရောဂါဝေဒနာတွေကလည်း လေထုညစ်ညမ်းမှုနဲ့ဆက်စပ်နေပါ တယ်။
♦ လေပြွန်ရောင်တာ၊ အဆုတ်ထိခိုက်တာ၊
♦ ရုတ်တရက်နဲ့ ပြင်းထန်တဲ့ ပန်းနာရင်ကျပ်ဖြစ်နှုန်းများတာ၊
လေထုညစ်ညမ်းမှုကြောင့် ကျန်းမာရေးပြဿနာမရှိစေရန် ကာကွယ်နည်းများ
(၁) အိမ်တွင်းနဲ့ အလုပ်ခန်းအတွင်းမှာ လေထုသန့်စင်စေမယ့် စနစ်ရှိရပါမယ်။ ဒါမှသာ လေထုထဲက အနံ့ အသက်၊ ဖန်းဂပ်စ်မှိုနဲ့ မိုးမွှားတွေကို ကင်းစင်စေပြီး လေထုသန့်စင်နေမှာ ဖြစ်ပါတယ်။(၂) ညစ်ညမ်းတဲ့ ပတ်ဝန်းကျင်မှာ လေ့ကျင့်ခန်းလုပ်တာမျိုးကို ရှောင်ပါ။ လေ့ကျင့်ခန်းလုပ်ချိန် အတော အတွင်း အဆုတ်က လေကို ပိုမိုရှူသွင်းဖြစ်စေတာကြောင့် ညစ်ညမ်းတဲ့လေထုကို ရှူမိရင် ခန္ဓာကိုယ်ကို ထိခိုက်နိုင်ခြေများပါတယ်။
(၃) နေ့ခင်းနေ့လယ်အချိန်ဟာ လေထုညစ်ညမ်းမှု အမြင့်မားဆုံးအချိန်ပဲဖြစ်ပါတယ်။ ဒါကြောင့် ဒီအချိန် အတောအတွင်း အိမ်ပြင်ပမှာ နေထိုင်တာကို တတ်နိုင်သမျှ ရှောင်ကြဉ်ပါ။
(၄) လေထုညစ်ညမ်းမှုများတဲ့ နေရာမှာ အလုပ်လုပ်ရင် အသက်ရှူလမ်းကြောင်းတစ်လျှောက်စိုစွတ်နေဖို့ အရည်များများသောက်သုံးသင့်ပါတယ်။ အယ်လ်ကိုဟောကိုရှောင်ပါ။ နှာခေါင်းစည်းတပ်ပါ။
★ ကြယ်စင် ★
No comments:
Post a Comment