ဆယ်ကျော်သက်အရွယ်တွေမှာ အဖြစ်များတဲ့ အားနည်းပြီးမူးမေ့တဲ့ ဝေဒနာအကြောင်း ဖော်ပြပေး လိုက်ပါတယ်။
အားနည်းပြီး မူးမေ့ခြင်း ဖြစ်ရသော အကြောင်းရင်း
ဒါက စိတ်နဲ့ ခန္ဓာမှာ ဖိစီးမှုဒဏ်ရှိတာကြောင့် ဖြစ်ရတာပါ။ လူတစ်ယောက်ရဲ့ နှလုံး၊ သွေးလှည့်ပတ်မှု၊ သွေးဖိအားနဲ့ အသက်ရှူတဲ့ ပုံစံ စတာတွေနဲ့လည်း ဆက်စပ်မှု ရှိသလို စိတ်ဖိစီးမှု၊ စိုးရိမ်သောက များတာ၊ စိတ်ပင်ပန်းတာစတဲ့ စိတ်ပိုင်းဆိုင်ရာ အခြေအနေတွေနဲ့လည်း ဆက်စပ်နေပါတယ်။အားနည်းပြီး မူးမေ့သော ဝေဒနာဖြစ်ပေါ်စေရန် လှုံ့ဆော်သည့် အချက်များ
♦ စိတ်ဖိစီးမှုဖြစ်စေသော အခြေအနေ၊ စိတ်လှုပ်ရှားမှုနဲ့ နာကျင်မှုတွေဟာ အားနည်းပြီး မူးမေ့တဲ့ ဝေဒနာ ကို ဖြစ်စေနိုင်ပါတယ်။
♦ အပူရှိန်များလွန်းတဲ့ အခန်းနဲ့ လူတူထပ်လွန်းတဲ့ အခန်းထဲမှာ နေရတဲ့အခါ၊ သွေးစစ်ဆေးဖို့ ဆရာဝန် အခန်းကို သွားတဲ့အခါမှာ အားနည်းပြီး မူးမေ့တဲ့ဝေဒနာဖြစ်ပေါ်တတ်ပါတယ်။
♦ အားနည်းပြီး မူးမေ့တာက ရုတ်တရက် မမျှော်လင့်ဘဲ ဖြစ်ပေါ်တတ်ပါတယ်။
အဲဒီအခါ ဖျော့တော့တာ၊ ချွေးပြန်တာ နဲ့ ဖျားတာတို့ ဖြစ်တတ်ပါတယ်။ အိပ်နေရာကနေ ရုတ်တရက် မတ်တပ်ထရပ်တဲ့အခါနဲ့ ထိုင်လိုက်တဲ့အခါတွေမှာ မူးမေ့သွားတတ်ပါတယ်။
အားနည်းပြီး မူးမေ့နေသူကို တွေ့ရင် ဘာလုပ်ပေးသင့်သလဲ
အရင်ဆုံး မူးမေ့ချင်သလိုလိုဖြစ်လာသူကို အိပ်ရာပေါ်လဲလျောင်းဖို့ ပြင်ဆင်ပေးပါ။ ပြီးရင် သူတို့ရဲ့ ဦးခေါင်း ကို တတ်နိုင်သမျှ နှိမ့်ထားပြီး ခြေထောက်တွေကို မြှင့်တင်ထားပေးပါ။ ဒီနည်းလမ်းဟာ ဦးခေါင်းထဲကို သွေး စီးဆင်းရောက်ရှိစေပါတယ်။♦ အိပ်နေရာကနေ ရုတ်တရက် ထလိုက်တာမျိုးကို ရှောင်ပါ။
♦ သတိလစ်ပြီး မူးမေ့ချင်သလိုလို ဖြစ်နေရင် ကောင်းကောင်းသတိရဖို့အတွက် မိနစ်အနည်း ငယ်ကျော်ကြာတဲ့အထိ အချိန်ယူရပါတယ်။ ဒါကြောင့် အာရုံထွေပြားပြီး ကြည်လင်ပြတ်သားမှု မရှိသေးချိန်မှာ ရုတ်တရက်ထရပ်လိုက်ရင် မူးဝေကာ သတိလစ်ချင်သလိုလိုဖြစ်သွားနိုင်ပါ တယ်။
♦ တကယ်လို့ မူးမေ့လာပြီး လှဲအိပ်ဖို့ အဆင်မပြေရင် ဒူးနှစ်ဖက်ကြား ခေါင်းထည့်ပြီး ထိုင်နေ သင့်ပါတယ်။ သူငယ်ချင်းမိတ်ဆွေတစ်ဦးက လူ့လက်တစ်ဖက်ကို ကိုင်ရင်း နောက်လက်တစ် ဖက်နဲ့ သူ့ဦးခေါင်းကို ဖိထားပေးပါ။ ဒီလိုလုပ်တာက ဦးခေါင်းထဲကို သွေးစီးဆင်းရောက်ရှိမှု များစေပြီး အားနည်းပြီး မူးမေ့တဲ့ ဝေဒနာကို လျော့ကျစေပါတယ်။
အားနည်းပြီး မူးမေ့သော ဝေဒနာအတွက် ကြိုတင်ပြင်ဆင်မှု
မူးမေ့လွယ်တဲ့သူတွေက သူတို့ကို မူးမေ့လွယ်မှု ဖြစ်စေနိုင်တဲ့ အခြေအနေတွေနဲ့ လှုံ့ဆော်မှုတွေကို အမြဲ သတိထားနေဖို့လိုပါတယ်။ မူးမေ့ချင်သလိုလိုဖြစ်လာပြီဆိုရင် ဘေးကလူတွေကို ကြိုတင်သတိပေးထားပြီး ထိုင်ချလိုက်ဖို့၊ လှဲအိပ်လိုက်ဖို့ လိုပါတယ်။ အားနည်းပြီး မူးမေ့တဲ့ ဝေဒနာဖြစ်ပေါ်တာက အချိန်တို အတွင်းဖြစ်ပေါ်တတ်လို့ပါ။
အားနည်းပြီး မူးမေ့တဲ့သူက တစ်မိနစ်ကျော်၊ နှစ်မိနစ်ကြာတဲ့အထိ သတိပြန်မရရင် ရှေးဦးသူနာပြုစုနည်းကို သုံးဖို့နဲ့ အကူအညီခေါ်ဖို့ လိုအပ်နေပါပြီ။ အသက်၀၀ရှူနိုင်အောင် ကူညီကာ အရေးပေါ် အကူအညီမလာ ခင်အထိ သူ့ဘေးနားမှာနေပေးဖို့လိုပါတယ်။
ဇွန်
No comments:
Post a Comment