ဝမ်းပျက်ဝမ်းလျှောနေချိန်မှာ နုံးပြီး ပင်ပန်းနွယ်နယ်နေတတ်ပါတယ်။ အဲဒီအချိန်မှာ ဝေဒနာ သက်သာပြီး အမြန်ဆုံးပြန်လည် လန်းဆန်းလာစေဖို့ အောက်ပါနည်းတွေကို လိုက်နာပေးသင့်ပါတယ်။
♦ အရည်များများသောက်ပါ
ဝမ်းပျက်ဝမ်းလျှောတဲ့အခါ ကိုယ်တွင်း ရေဓာတ်နဲ့ ဆားဓာတ်လျော့နည်းမှုကြောင့် ရေဓာတ်ခမ်းခြောက်မှု အဖြစ်များတတ်ပါတယ်။ လက္ခဏာတွေအနေနဲ့ရေဆာတာ၊ ဆီးအရောင်ရင့်ရင့်သွားတာ၊ နုံးချည့်ညောင်း ညာတာနဲ့ မူးဝေတာတို့ ဖြစ်တတ်ပါတယ်။ ရေဓာတ်ခမ်းခြောက်မှုလက္ခာ သက်သာစေဖို့ ဆိုဒီယမ်နဲ့ တခြား ဒာတ်ဆားတွေ ပါဝင်တဲ့ သစ်သီးဖျော်ရည်၊ စွပ်ပြုတ်နဲ့ Juice တို့ကို သောက်ပါ။♦ အကြောင်းရင်း ရှာဖွေပါ
ဝမ်းပျက်ဝမ်းလျှောတာဟာဘက်တီးရီးယား၊ ဗိုင်းရပ်စ်ပိုး၊ ပဋိဇီဝပိုးသတ်ဆေးတချို့နဲ့ တခြားဆေးဝါးကုသမှု၊ အူလမ်းကြောင်းရောဂါတွေနဲ့ အစာနဲ့ ဓာတ်မတည့်မှု စတာတွေကြောင့် ဖြစ်တတ်ပါတယ်။ သင့်အစာအိမ် ကို ပြဿနာဖြစ်စေတဲ့ အခြေခံအကြောင်းရင်းကို ရှာဖွေကုသသင့်ပါတယ်။♦ အစားအသောက် ဆင်ခြင်ပါ
တချို့အစားအသောက်တွေကို အူလမ်းကြောင်းအခြေအနေကို ပိုဆိုးစေနိုင်ပါတယ်။ နို့နဲ့ နို့ထွက်ပစ္စည်းတွေ၊ အမျှင်ဓာတ်များတဲ့ သစ်သီးနဲ့ ဟင်းသီးဟင်းရွက်တွေ၊ ပီကေ၊ ချိုချဉ်နဲ့ ဟင်းခတ်အမွှေးအကြိုင်ကံပြီး ပူစပ်တဲ့ ဟင်းလျာတွေဟာ ၀မ်းလျှောဝမ်းပျက်ဖြစ်အောင် လှုံ့ဆော်ပေးနိုင်ပါတယ်။ အဲဒီအစားအသောက်တွေ အစား ငှက်ပျောသီး၊ ပေါင်မုန့်၊ မုန်လာဥနီနဲ့ ကြက်သား (အရေခွံခွာပြီး) စားသင့်ပါတယ်။♦ ဒိန်ချဉ်သောက်ပါ
နွားနို့ထဲမှာပါတဲ့ လက်တို့စ်ဟာ တချို့လူတွေမှာ ၀မ်းပျက်ဝမ်းလျှောတာကို ပိုဆိုးစေနိုင်ပါတယ်။ နွားနို့ထက် လက်တို့စ် ပမာဏ နည်းတဲ့ ဒိန်ချဉ်ဟာ အစာကြေညက်လွယ်စေပါတယ်။ ဒိန်ချဉ်ထဲမှာပါတဲ့ အကျိုးပြု ဘက် တီးရီးယားကြောင့် သင့်ကို ပိုပြီးနေထိုင်လို့ကောင်းစေပါတယ်။♦ စအိုတစ်ဝိုက် အရေပြား သက်သောင့်သက်သာရှိပါစေ
ဝမ်းသွားပြီးချိန်မှာဆပ်ပြာနဲ့ ရေကိုသုံးပြီး လက်ကို စင်ကြယ်အောင် ဆေးကြောပေးပါ။ တစ်ကိုယ်ရေ သန့် ရှင်းရေးကို အလေးထားပြီး သက်သောင့်သက်သာရှိအောင် နေထိုင်ပါ။ စအိုတစ်ဝိုက်အရေပြားစပ် ဖျဉ်းဖျဉ်းဖြစ်နေရင် ရေနံဂျယ်လီလိမ်းတာ ဒါမှမဟုတ် ကြက်သီးနွေးရေကန်ထဲ ထိုင်ပြီး စိမ်တာတို့ လုပ်ဆောင်ပေးပါ။
* ဆရာဝန်နှင့် ပြသင့်သော အခြေအနေ *
ရေလို အရည်ကျဲကျဲဝမ်းတွေဟာ နှစ်ရက်ထက် ပိုပြီး ကြာကြာသွားနေရင် ဆရာဝန်နဲ့ ပြသင့်နေပါပြီ။ ၀မ်းလျှောတာနဲ့အတူ ဗိုက် အလွန်အမင်းအောင့်တာ၊ အဖျား ၁၀၂ ဒီဂရီနဲ့ အထက်ရှိတာ၊ ၀မ်းအရောင်က မည်း တာ၊ သွေး ဒါမှမဟုတ် ပြည်ပါတာတို့ တွဲဖြစ်နေရင် ဆရာဝန်နဲ့ ချက်ချင်းသွားပြပါ။
ဇွန်
No comments:
Post a Comment